پروگرام ”گندہ انڈہ“، میزبان حسیب خان کا پانچ روزہ ریمانڈ منظور

لاہور کی مقامی عدالت نے عائشہ جہانزیب کی درخواست پر گرفتار حسیب خان کو پانچ روزہ جسمانی ریمانڈ پر تفتیش کے لیے ایف آئی اے کی تحویل میں دیا ہے۔
‏
الزام ہے کہ انہوں نے یوٹیوب پروگرام میں نامناسب گفتگو کی تھی۔

ضلع کچہری لاہور میں قائم جوڈیشل مجسٹریٹ محمد نعیم وٹو کی عدالت نے اینکر عائشہ جہانزیب سے متعلق غیرمناسب گفتگو کے مقدمے میں یوٹیوبر حسیب سجاد خان کا پانچ دوزہ جسمانی ریمانڈ منظور کیا۔

عدالت نے جسمانی ریمانڈ کی درخواست کا تحریری فیصلہ جاری کرتے ہوئے کہا کہ ایف آئی اے کے تفتیشی نے ملزم کے 14 روزہ جسمانی ریمانڈ کی استدعا کی تھی۔

عبوری حکم کے مطابق تفتیشی افسر نے ریکوری کے لیے جسمانی ریمانڈ کی استدعا کی تھی۔

ملزم کو یکم جولائی کو عدالت میں پیش کیا جائے، ملزم سے تفتیش سے متعلق رپورٹ بھی عدالت پیش کی جائے۔

زین علی قریشی ایڈووکیٹ عدالت میں پیش ہوئے۔

ایف آئی اے لاہور نے یوٹیوب حسیب سجاد خان کو گرفتار کر رکھا ہے۔

اینکر عائشہ جہانزیب سے متعلق غیرمناسب گفتگو کرنے کا مقدمہ ایف آئی اے لاہور نے درج کیا۔