لاہور میں دھماکے سے 13 جاں بحق

پنجاب اسمبلی کے سامنے احتجاجی مظاہرے کے دوران دھماکہ ہوا ہے جس میں 13 افراد کے جاں بحق اور پانچ کے شدید زخمی ہونے کی اطلاع ہے۔ پولیس حکام کے مطابق مال روڈ پر چیئرنگ کراس کے قریب کیمسٹ اینڈ ڈرگسٹ ایسوسی ایشن والے احتجاج کررہے تھے جب یہ دھماکہ ہوا۔ نجی ٹی وی چینل کے مطابق مرنے والوں میں ڈی آئی جی ٹریفک احمد مبین اور ایس ایس پی بھی شامل ہیں۔ مختلف ٹی وی چینلوں پر دکھائی جانے والی فوٹیج کے مطابق دھماکہ خودکش حملہ آور نے کیا جس سے آج ٹی وی کی سیٹلائٹ وین کو بھی دھماکے سے نقصان پہنچا ہے جبکہ آج ٹی وی کا ایک کیمرہ مین اور ڈرائیور زخمی ہواہے۔ ریسکیو حکام کے مطابق جائے وقوعہ سے تین افراد کی نعشیں ہسپتال منتقل کی گئی ہیں۔