درست فیصلے پر تنقید کی گئی، آرمی چیف

پاکستانی فوج کے صدر دفتر جی ایچ کیو راولپنڈی میں ایک سیمینار سے خطاب کرتے ہوئے سپہ سالار قمر جاوید باجوہ نے کھل کر اپنے خیالات کا اظہار کیا ہے۔ ان کا کہنا تھا کہ گزشتہ دنوں فوج اور اس سے قبل مجھے ذاتی طورپر تنقید کا نشانہ بنایا گیا، انہوں نے کہا کہ پہلے ایک فیصلہ ( مسترد والی ٹویٹ) کیا تو بیٹے نے کہا کہ آپ نے پاپولر مگر غلط فیصلہ کیا ہے، جب دوسرا فیصلہ کیا (ٹویٹ واپس لینے کا) تو بیٹے نے کہا کہ اب آپ نے درست مگر ان پاپولر فیصلہ کیا ہے۔ آرمی چیف نے کہا کہ ہر کام کیلئے صرف فوج کی طرف نہ دیکھا جائے پوری قوم پاکستان کو آگے بڑھانے کیلئے کام کرے۔ ان کا کہنا تھا کہ عالمی عدالت انصاف میں وکیل ہم نے کیا، انڈس واٹر ٹریٹی پر بھی ہم کام کر رہے ہیں، نوجوان نسل سے بہت امیدیں وابستہ ہیں، ہمارے نوجوان سٹریٹ فارورڈ ہیں، یہ ملک سب کاہے، ذمہ داری بھی سب کی ہے۔