افغان سرکار پشاور سے اغوا
افغانستان کے سفارت خانے کے اعلی حکام نے حکومت پاکستان سے رابطہ کر کے آگاہ کیا ہے کہ ان کی حکومت کا ایک اہم عہدیدار پشاور سے اغوا ہوا ہے _
پشاور سے اغوا ہونے والے عہدے دار کے بارے میں بتا گیا ہے کہ وہ افغان صوبے کنڑ کا ڈپٹی گورنر ہے، قاضی محمد نبی نامی ڈپٹی گورنر کو ڈنگری گارڈن سے اغواء کیا گیا _
حکام کے مطابق ڈپٹی گورنر گردوں کے مرض میں مبتلا ہیں اور گزشتہ 3 دنوں سے پشاور میں علاج کے لئے مقیم تھے _
پشاور میں سیکورٹی ادارے اور پولیس حکام نے قبل ازیں اس واقعے کی تصدیق نہیں کی تھی تاہم افغان خبر رساں ادارے اور ڈپٹی گورنر کے رشتہ دار اس کی تصدیق کر رہے تھے _ افغانستان کے سفارتی حکام نے حکومت پاکستان سے کہا ہے کہ قاضی محمد نبی کی جلد بازیابی کیلئے کوشش کی جائے _
