حسین حقانی پر مقدمہ درج

Reading Time: < 1 minute

میمو گیٹ اسکینڈل میں ملوث امریکا میں سابق سفیر حسین حقانی کیخلاف سرکاری فنڈز میں خردبرد کا مقدمہ درج کر لیا گیا _

حسین حقانی کے خلاف مقدمہ ایف آئی اے کی مدعیت میں درج کیا گیا، پاکستان 24 کے پاس موجود حسین حقانی ایف آئی آر  کے مطابق حسین حقانی مئی 2008ء سے 2011ء تک امریکا میں پاکستان کے سفیر رہے ہیں _

ایف آئی آر کا متن ہے کہ حسین حقانی نے حکومتی فنڈز کا غلط استعمال کرکے خزانے کو نقصان پہنچایا ، حسین حقانی نے قومی خزانے کو 20 لاکھ ڈالر سالانہ کا ٹیکہ لگایا، جبکہ حسین حقانی نے اپنے عہدے کا غلط استعمال کرکے غیرقانونی فائدہ اٹھایا،

ایف آئی آر میں درج ہے کہ غبن میں ملوث دیگر افسران کا تعین بھی تحقیقات کے دوران کیا جائے گا، اور امریکا میں پاکستانی سفارتخانے میں ہونے والی غبن کی تحقیقات جاری ہیں، جبکہ امریکا اور وزارت خارجہ سے مزید دستاویز ملنے پر تحقیقات مکمل کی جائیں گی، حسین حقانی کیخلاف مقدمے میں دفعات 3، 4، 409، 420 اور 109 لگائی گئی ہیں ، اور حسین حقانی پر کرپشن کی روک تھام کے قانون کی دفعات بھی لگائی گئی ہیں ۔