بحریہ ٹاؤن کے خلاف تحقیقات

Reading Time: < 1 minute

قومی احتساب بیورو (نیب) نے بحریہ ٹاؤن کے خلاف تحقیقات کا آغاز کر دیا ہے اور ایسا سپریم کورٹ کے تین فیصلوں کے بعد کیا گیا ہے تاہم پاکستان میں بہت سے افراد کا کہنا ہے کہ ملک ریاض کے اثر و رسوخ کے سامنے نیب کے چیئرمین جاوید اقبال کے دعوؤں کی کوئی حیثیت نہیں ہے ۔ ایسے افراد کا کہنا ہے کہ یہ تحقیقات کبھی مکمل ہوں اور نہ بحریہ ٹاؤن سے قبضہ کی گئی رقم واپس لی جا سکے گی ۔

واضح رہے کہ سپریم کورٹ نے چار مئی کو تین فیصلے دیے تھے جن میں قرار دیا گیا ہے کہ بحریہ ٹاؤن کے کراچی، لاہور اور راولپنڈی میں منصوبوں کے لیے زمین غیر قانونی طور پر الاٹ اور ٹرانسفر کی گئی انھیں کالعدم قرار دیا جاتا ہے ۔ نیب کے چیئرمین جاوید اقبال نے ہدایت کی ہے کہ عدالتی حکم کی روشنی میں تین ماہ کے اندر تحقیقات مکمل کی جائیں ۔

 

 

 

یاد رہے کہ سپریم کورٹ نے بحریہ ٹاؤن راولپنڈی کے مقدمے میں سات سال بعد فیصلہ دیا جبکہ کراچی بحریہ ٹاؤن کے کیس میں فیصلہ تین سال بعد اور بحریہ ٹاؤن مری کے معاملے میں فیصلہ تیرہ سال بعد سامنے آیا ۔