بلوچستان اسمبلی کے افغان رکن باہر

الیکشن کمیشن نے بلوچستان اسمبلی کے حلقہ پی بی 26 سے مبینہ طور پر افغان شہری احمد علی کے انتخاب کو کالعدم قرار دیتے ہوئے حلقے میں دوبارہ الیکشن کرانے کا فیصلہ سنایا ہے ۔

مولانا ولی محمد ترابی کی درخواست پر سماعت الیکشن کمیشن نے کی ۔  پی بی 26 سے منتخب احمد علی اور مولانا ولی محمد ترابی کے وکلاء الیکشن کمیشن کے سامنے پیش ہوئے ۔ درخواست گزار کے وکیل نے کہا کہ ہائی کورٹ بلوچستان کی جانب سے فریقین کو نوٹس جاری کئے جا چکے ہیں ۔

الیکشن کمیشن نے پی بی 26 سے منتخب افغان شہری سے متعلق ۔ فیصلہ سنایا ۔ کمیشن نے قرار دیا کہ وزارت داخلہ اور نادرا رپورٹ کے مطابق احمد علی افغان شہری ہیں، پی بی 26 کا الیکشن کالعدم قرار دیا جاتا ہے، حلقے میں دوبارہ الیکشن کرانے کا حکم دیا جاتا ہے ۔

الیکشن کمیشن نے مولانا ولی محمد ترابی کی درخواست بھی مسترد کر دی ۔ کمیشن نے درخواست گزار سے کہا کہ جنہوں نے آپ کو ووٹ نہیں دیا ان پر آپ کو کیسے مسلط کیا جائے، قانون میں ایسی کوئی گنجائش نہیں کہ منتجب امیدوار کی نااہلی کے بعد رنر اپ کو کامیاب قرار دیا جائے ۔