انڈین سفارتکار بھی ردعمل کا شکار

انڈیا کے زیر انتظام کشمیر میں سیکورٹی فورسز پر حملے میں ہلاکتوں کے بعد انڈین سفارت کار اپنی حکومت کی ہدایت پر ردعمل کی نفسیات کا شکار ہو گئے ہیں ۔

ہیگ میں عالمی عدالت انصاف میں انڈین سفارت کاروں نے کلبھوشن یادیو کے مقدمے کی سماعت کے دوران پاکستان کے اٹارنی جنرل سے ہاتھ ملانے سے گریز کیا ۔

پاکستان کے اٹارنی جنرل انور منصور نے انڈین سفارت کاروں سے ہاتھ ملانے کے لیے آگے بڑھایا تو انہوں نے اپنی نشستوں سے اٹھ کر دونوں ہاتھ جوڑ لیے ۔

سفارتی حلقوں نے ہیگ میں انڈین سفارت کاروں کے پاکستانی وفد سے ہاتھ نہ ملانے کو غیر سفارتی اور بچگانہ رویہ قرار دیا ہے ۔ سوشل میڈیا پر سابق سفارت کاروں نے تبصرے کیے ہیں کہ جنگ کے دوران بھی سفارت کار ایسا رویہ اختیار نہیں کرتے جو انڈین حکام نے پیر کو ہیگ میں پاکستانی وفد کے ساتھ روا رکھا ۔