بالی وڈ کے ڈان کو خطرناک کینسر تشخیص

Reading Time: < 1 minute

انڈیا کے معروف اور متنازع اداکار سنجے دت کو پھیپھڑوں کے سرطان کی تشخیص ہوئی ہے اور یہ کینسر تیسرے مرحلے ہے جو خطرناک ہو سکتا ہے تاہم 61 سالہ اداکار نے کہا ہے کہ ان کے بارے میں افواہیں نہ پھیلائی جائیں۔

ایک ٹویٹ میں سنجے دت نے لکھا ہے کہ وہ علاج کے سلسلے میں کچھ عرصے کے لیے کام سے چھٹی کر رہے ہیں۔ ان کا خاندان اور دوست ان کے ہمراہ ہیں۔

انڈیا کی شوبز ویب سائٹس کے مطابق سنجو بابا کے نام سے بے حد پسند کیے جانے والے اداکار علاج کے لیے امریکہ جا رہے ہیں۔

سنجے دت کی جڑیں پاکستان کے ضلع جہلم میں ہیں۔ ان کے والد سنیل دت 6 جون 1929 کو خورد کے علاقے میں پیدا ہوئے تھے۔ سنجے دت کی والدہ اداکارہ نرگس کی بھی جڑیں راولپنڈی ، پاکستان میں تھیں۔ نرگس اصل نام فاطمہ راشد ایک پنجابی مسلمان گھرانے میں پیدا ہوئی تھیں۔ سنجے دت نے حال میں بھی کھل کر پاکستانی عوام سے اپنی محبت کا اظہار کیا ہے۔

انہوں نے اپنی منفرد اداکاری سے پر 4 دہائیوں سے فلم بینوں پر اپنا سحر جما رکھا ہے۔