غزہ میں اسرائیل کی عالمی میڈیا کے دفاتر پر بمباری، عمارت تباہ

Reading Time: < 1 minute

اسرائیل نے غزہ میں ایک فضائی حملے کے دوران ایک کثیرالمنزلہ عمارت کو تباہ کر دیا ہے جس میں الجریرہ اور امریکی خبر رساں ادارے ایسوسی ایٹڈ پریس سمیت کئی عالمی میڈیا اداروں کے دفاتر قائم تھے۔
سنیچر کو اسرائیلی فوج کی یہ تازہ کارروائی بین الاقوامی ذرائع ابلاغ کو فلسطینی علاقے سے رپورٹنگ سے روکنے کی کوشش ہے۔
بلڈنگ پر فضائی حملہ اسرائیلی انٹیلی جنس چیف کی جانب سےعمارت خالی کرنے کے حکم کے ایک گھنٹے بعد کیا گیا۔ عمارت میں الجزیرہ ٹی وی کے دفتر سمیت کئی میڈیا ہاؤسز اور رہائشی اپارٹمنٹس بھی تھے۔
فضائی حملے کے بعد 12 منزلہ عمارت کے گرد دھویں کے سیاہ بادل چھا گئے اور کچھ دیر بعد زمین بوس ہو گئی۔
یہ فضائی حملہ غزہ شہر کے ایک گنجان آباد پناہ گزین کیمپ پر اسرائیلی فضائی حملے کے کئی گھنٹے بعد کیا گیا۔ جس میں ایک ہی خاندان کے 10 افراد ہلاک ہو گئے جن میں اکثریت بچوں کی تھی۔
یہ اسرائیلی فضائیہ کی سب سے مہلک فضائی کارروائی تھی۔