ایئر چیف کے لیے ریڈ کارپٹ دیہاتیوں نے بچھایا: پاک فضائیہ
Reading Time: < 1 minuteپاکستان کی ایئر فورس نے ایک بیان میں سوشل میڈیا پر وائرل اپنے سربراہ ایئر مارشل ظہیر احمد بابر کے ان کے گاؤں میں سرخ قالین پر استقبال کی وضاحت جاری کی ہے۔
ایئر فورس نے کہا ہے کہ فضائیہ کے سربراہ ایک آپریشنل دورے پر تھے اور وہ موقع سے فائدہ اٹھاتے ہوئے راستے میں پڑنے والے اپنے آبائی گاؤں بھی گئے۔
فضائیہ کے مطابق ایئر چیف نے وہاں اپنے والدین کی قبروں پر فاتحہ پڑھی اور یہ پہلے سے طے شدہ تھا جو اُن کی سرکاری مصروفیات کی وجہ سے تین ماہ تک ملتوی ہوا جب سے انہوں نے اپنے عہدے کا چارج سنبھالا تھا۔
جاری کیے گئے بیان کے مطابق دورے کے موقع پر کیے جانے والے سکیورٹی انتظامات موجودہ حالات میں ایئر چیف کے لیے طے کردہ پروٹوکول کے مطابق تھے۔
اس ہیلی کاپٹر کے نیچے، لینڈ کروزرکے ٹائر کے نیچے،ریڈ کار پٹ کے نیچے اور ریڈ کارپٹ پر غرور سے چلنے والے بوٹوں کے نیچے اس مٹی میں اُس کسان کی محنت کا پسینہ شامل ہے جواپنی دھوتی پربھی ٹیکس دیتا ہے تاکہ سرکاری ملازم ذاتی استعمال کے لئے طیارے، ہیلی کاپٹر کی مرمت پر اربوں خرچ کرسکیں 👇 https://t.co/ryMIDaGx9B pic.twitter.com/ZiVhint9ag
— Absar Alam (@AbsarAlamHaider) June 12, 2021
ایئر فورس کے مطابق تاہم اس موقع پر سرخ قالین اُن کے گاؤں کے دیہاتیوں (مقامی لوگوں) نے بچھایا جو ایک مقامی شخص کے اس عہدے تک پہنچنے کی وجہ سے اُن احترام اور فخر کے احساس کا مظہر تھا۔
ایئرفورس کے وضاحتی بیان سے کئی شہری مطمئن نہیں ہیں اور ایمان مزاری نے لکھا ہے کہ ایئر چیف نے اپنے اختیارات کا غلط استعمال کیا، ویڈیو بنانے سے روکا جا رہا ہے اور اب وضاحت بھی سراسر ناکافی ہے.
When the Air Chief evidently abused his power & privilege (see how a gesture is made to stop recording), a grossly inadequate "clarification" was issued by the Air Force (attached in next tweet): pic.twitter.com/QSQgo5fIvb
— Imaan Zainab Mazari-Hazir (@ImaanZHazir) June 14, 2021
خیال رہے کہ گجرات کے ایک گاؤں میں گزشتہ ہفتے ایئر چیف کے ہیلی کاپٹر کی کھیتوں میں لینڈنگ اور سرخ قالین پر استقبال اور پروٹوکول کی ویڈیوز سوشل میڈیا پر وائرل تھیں اور صارفین بھانت بھانت کے تبصرے کر رہے تھے۔
