آرمی چیف کی تعیناتی کا عمل شروع ہو چکا:وزیر دفاع
پاکستان کے وزیر دفاع خواجہ محمد آصف نے کہا ہے کہ پاک فوج کے اعلیٰ ترین عہدوں پہ تقرری کا عمل آج شروع ہو چکا ھے انشاءاللہ جلد تماتر آئینی تقاضوں کے مطابق تکمیل ہو جائے گی۔
پیر کو خواجہ محمد آصف نے اپنے ٹویٹ میں چیئرمین جوائنٹ چیفس آف سٹاف اور آرمی چیف کی تقرری کا عمل شروع ہونے کی تصدیق کی اور کہا کہ یہ عمل آج ہی شروع ہوا ہے اور جلد آئینی تقاضوں کے مطابق مکمل کر لیا جائے گا۔
انھوں نے کہا کہ اس معاملے پر اتحادیوں کے ساتھ ہر معاملے پر مشاورت ہو رہی ہے اور ان کو اعتماد میں لیا جا رہا ہے۔ جب سمری آئے گی تو اس میں شامل ناموں پر کوئی بات چیت ہوگی۔ کسی قسم کا کوئی ڈیڈ لاک موجود نہیں ہے۔ ناموں پر پر کوئی بحث یا تمحیثض نہیں ہوئی۔ سمری آئے گی تو سب کو اعتماد میں لیا جائے گا اور مسلح افواج کی قیادت کی رائے کو بھی سامنے رکھا جائے گا۔ اس کے بعد ہی فیصلہ ہوگا۔
انہوں نے کہا کہ میڈیا میں جو کچھ آ رہا ہے وہ میڈیا کا حق ہے لیکن اس حوالے سے کوئی پیش رفت نہیں ہوئی۔
