مزید 43 استعفے منظور، قومی اسمبلی پی ٹی آئی ارکان سے خالی

Reading Time: < 1 minutes

پاکستان کی قومی اسمبلی کے سپیکر نے تحریک انصاف کے مزید 43 ارکان کے استعفے منظور کر لیے ہیں۔

دوسری جانب تحریک انصاف کے رہنما فواد چوہدری نے کہا ہے کہ محدود تعداد میں اسمبلی جانے کا مقصد راجہ ریاض کو اپوزیشن لیڈر کے عہدے سے فارغ کرنا تھا ورنہ اس قومی اسمبلی کی کوئی نمائندہ حیثیت نہیں کہ اس میں واپس جائیں۔

اُن کا کہنا تھا کہ اس وقت شہباز شریف حکومت 172 لوگوں کی حمایت کھو چکی ہے اور حکومت بچانے کے لیے لوٹوں پر انحصار کر رہی ہے۔

سپیکر قومی اسمبلی پہلے ہی 70 پی ٹی ارکان کے استعفے منظور کر چکے تھے اس طرح پارلیمان کے ایوان زیریں سے 112 اراکین کم ہو چکے ہیں۔