عمران خان کے وکیل خواجہ حارث کو چیف جسٹس عامر فاروق کا سخت جواب
تحریک انصاف کے چیئرمین عمران خان کے وکیل خواجہ حارث اچانک اسلام آباد ہائیکورٹ میں پیش ہوئے اور چیف جسٹس عامر فاروق سے استدعا کی کہ زمان پارک والے معاملے کو دیکھتے ہوئے اُن کی درخواست سنی جائے۔
اُن کا کہنا تھا کہ لاہور میں جو کچھ ہو رہا ہے وہ عدالت کے سامنے ہے۔
چیف جسٹس عامر فاروق نے کہا کہ جو کچھ ہو رہا ہے وہ آپ کا اپنا کیا دھرا ہے،ابھی تو آپ کی درخواست مقرر نہیں ہوئی، جب ہوئی تو دیکھوں گا۔
چیف جسٹس نے پوچھا کہ اس عدالت نے پہلے ریلیف دیا تھا مگر اس کا کیا ہوا؟ عدالتی احکامات پر عملدرآمد نہیں ہوا دیکھیں گے اس کے کیا نتائج ہو سکتے ہیں۔
خواجہ حارث ایک اور کیس کی سماعت ختم ہونے پر اچانک روسٹرم پر آئے تھے۔
