پنجاب ڈیفیمیشن ایکٹ پر حیرت، اس میں خرابی کہاں ہے؟

Reading Time: 3 minutes

پنجاب ڈیفیمیشن ایکٹ یا ہتکِ عزت کے قانون کا حکومتی بیان کے مطابق مقصد جعلی خبروں کی روک تھام ہے۔ مگر یہ ہر قسم کے اظہار رائے پر قدغن عائد کرتا ہے۔

معلوم نہیں اس کو ڈرافٹ کرنے والوں میں ہتک عزت کے قوانین کی سمجھ بوجھ کی کمی تھی یا پھر دانستہ یا نادانستہ ڈیزائن سے کمزور مسودہ تیار کیا گیا اور لامحالہ اس کا غلط استعمال کیا جائے گا۔ یہ قانون غیر آئینی ہے۔

اس قانون میں کیا غلط ہے:

ڈیفیمیشن ایکٹ سول ہتک عزت کے دعوؤں کی سماعت کے لیے خصوصی ٹریبونل تشکیل دیتا ہے۔ حکومت کی طرف سے مقرر کردہ ججوں کے زیرِانتظام ٹریبونل (چیف جسٹس کے مشورے کے باوجود) لیکن اس میں جج کے عہدے کی مدت یا میعاد کی درج نہیں اور حکومت کسی بھی وقت اُس کو ہٹا سکتی ہے (اس کے لیے جج کے کسی مس کنڈکٹ کو ثابت کرنے کی ضرورت نہیں ہوگی)۔

سپریم کورٹ کے ماضی کے فیصلوں کے تحت ایسا کرنا ضروری ہے بصورت دیگر اس سے آزاد عدلیہ کی آئینی ضمانت کی خلاف ورزی ہوتی ہے۔

یہ قانون الیکٹرانک یا سوشل میڈیا یا حتیٰ کہ پرنٹ میڈیا تک محدود نہیں۔ ہر قسم کے بولے جانے والے الفاظ، تحریری الفاظ اور بصری امیجز پر لاگو ہوتا ہے جو کسی کے بھی کہے یا شائع ہوئے ہوں خواہ وہ صحافی ہو، سیاستدان یا عام شہری۔

ٹریبونل کے پاس وسیع ماورائے علاقہ (غیر آئینی) رسائی ہے۔ قانون نہ صرف پنجاب میں شائع ہونے والی چیزوں پر لاگو ہوتا ہے بلکہ وہاں دیکھی/پڑھی جانے والی ہر چیز پر بھی لاگو ہوتا ہے (یہاں تک کہ تیسری پارٹی کے ذریعے بھی) اور اگر یہ کہیں اور ہوتا ہے لیکن مبینہ طور پر پنجاب میں مستقل یا عارضی طور پر کسی کو بدنام کرتا ہے۔

ایکٹ کے تحت کم از کم ہرجانہ 30 لاکھ ہے۔ اس کے علاوہ ایکٹ آپ کو حق کے طور پر دعوے کا دفاع کرنے کی اجازت نہیں دیتا بلکہ اپنے دفاع کے لیے عدالت سے اجازت لینے پر مجبور کرتا ہے۔ اور اگر آپ کو اجازت نہیں ملتی، تو آپ کو اپیل کرنے سے پہلے 30 لاکھ جمع کروانا ہوں گے۔

لہٰذا اگر آپ سندھ میں تقریر کرتے ہیں جو پنجاب کو بھیجی جاتی ہے (یا پنجاب میں کسی کا تعلق ہے) تو آپ پر مقدمہ چل سکتا ہے۔ اور اگر کسی وجہ سے آپ کو سمن نہیں ملا یا آپ کو چھٹی سے انکار کر دیا گیا تو خودکار حکم نامے کی پیروی کی جاتی ہے اور آپ کو 30 لاکھ جمع کروانے ہوں گے یا حکم نامے کو ایک طرف رکھنے کی اپیل کریں گے۔

ٹریبونل میں حکومت کی جانب سے تعینات ججوں کے سامنے کی کارروائی خفیہ ہے۔ کوئی بھی شخص کسی بھی وجہ سے ٹربیونل کے سامنے زیر التوا کارروائی کے بارے میں کوئی بیان شائع نہیں کر سکتا (صحیح رپورٹنگ یا منصفانہ تبصرہ کے لیے بھی کوئی استثنا نہیں)۔ مطلب پنجاب میں اس قانون کے تحت منصفانہ ٹرائل کو الوداع کہیں۔

دعویدار کو اپنی ساکھ یا اس میں کوئی نقصان ثابت کرنے کی ضرورت نہیں ہے (جب تک کہ وہ 30 لاکھ سے زیادہ کے نقصان کے ازالے کا دعویٰ نہ کرے)

بے شک/خواہ کوئی بھی ایسا بیان جو اسے ’دوسروں کے اندازے میں‘ پست کر دے یا اسے ’غیر منصفانہ تنقید‘ کے لیے بے نقاب کرے۔

آئینی عہدے داروں ’جیسے کہ وزیراعظم، وزیراعلیٰ، سروس چیفس، ججوں‘ کو دعوے کو ترجیح دینے کے لیے ٹربیونل کے سامنے پیش ہونے کی بالکل بھی ضرورت نہیں ہے اور ان پر کسی قسم کی جرح نہیں ہوگی۔ سب کچھ اپنے محکمے کے افسر کے ذریعے کیا جا سکتا ہے۔

ہرجانہ دینے کے علاوہ ٹربیونل ہدایت دے سکتا ہے کہ اس پلیٹ فارم/ میڈیم کو جس پر ہتک عزت کی گئی ہو بند کیا جائے۔ اس کا مطلب محض فیس بک یا یوٹیوب اکاؤنٹ نہیں۔ اخبار یا ٹی وی چینل بھی ہو سکتا ہے۔

پنجاب حکومت اور شہریوں کو اس پر سنجیدگی سے سوچنے کی ضرورت ہے۔

معروف قانون دان بیرسٹر صلاح الدین کی تحریر کا ترجمہ