ملک میں 10 ججز کو قوم سلام کرتی ہے: عمران خان

Reading Time: 2 minutes

تحریک انصاف کے چیئرمین عمران خان نے کہا ہے کہ قوم دس ججوں کو سلام کرتی ہے۔

جمعے کو عمران خان نے اڈیالہ جیل میں میڈیا سے غیر رسمی گفتگو میں کہا کہ سرگودھا کے جج نے لاہور ہائی کو بتایا کہ کیسے خفیہ ادارے نے اس پر دباو ڈالا، اس جج کے گھر کی گیس کاٹ دی گئی۔

جو جج ہمیں انصاف دینے لگتا ہے اسے پریشرائز کیا جاتا ہے، جو صحافی پی ٹی ائی کے حق میں بولتا ہے اسے پکڑ لیا جاتا ہے۔

روف حسن پر حملہ کرکے اس کا منہ کاٹ دیا گیا، علی زمان پر تشدد کیا گیا، اس سب میں خفیہ ادارہ شامل ہے۔

ہمارے فوجی اور پولیس ملازم روز شہید ہورہے ہیں، آئی ایس ائی کا کام ہمیں تحفظ دینا ہے، لیکن اسے پی ٹی ائی کو ختم کرنے پر لگایا گیا ہے۔
چیف جسٹس کو پیغام ہے کہ وہ ملک میں قانون کی حکمرانی قائم کروائیں

چیف جسٹس کے سامنے قانونی کی حکمرانی میں مداخلت ہو رہی ہے، ہمارا پارٹی دفتر توڑ دیا گیا ہے

قوم سرگودھا کے 1،اسلام اباد ہائیکورٹ کے 6،سپریم کورٹ کے 3ججز کو سلام پیش کرتی ہے۔

*بجٹ کے مطابق ہم نے 13ہزار ارب کا ریونیو اکٹھا کرنا ہے،جسمیں سے 9ہزار8سو ارب قرض کا سود ادا کرنا ہے*

*بجٹ خسارہ پورا کرنے کے لئے ہمیں ساڑھے 7ہزار ارب کا قرض لینا پڑے گا،پاکستان تو ڈوب چکا ہے*

*یہ ملک صرف سرمایہ کاری سے بچے گا،جو قانونی کی حکمرانی سے ہی ائے گی*

*50سال میں سب سے کم سرمایہ کاری اس سال آئی*

*ملک کامستقبل اندھیرے میں چلا گیا یے،تنخواہ طبقہ پر ٹیکس کا اضافی بوجھ بھی ڈال دیا گیا ہے*

*مذاکرات کے معاملہ پر غلط بیانی نہ کی جائے کہ ہم مذاکرات نہیں چاہتے*

*جب فیصلے اوپر سے بڑے صاحب کریں گے تو پھر ان سے مذاکرات کا کیا فائدہ؟؟*

*جسٹس بندیال کے کہنے پر پی ڈی ایم سے مذاکرات کئے تو کہا گیا بڑے صاحب نے فیصلہ کیا ہے جب تک بندیال ہے الیکشن نہیں ہوں گے*

*سیاستدان ہمیشہ مذاکرات میں ہی جاتا ہے،ہم نے مشرف دور میں بھی اسکے نمائندے سے مذاکرات کئے،حکومت سے نہیں*

پارٹی کو پیغام ہے کہ گروپنگ ختم کرکے اکھٹی ہو جائے،یہ پاکستان کی زندگی موت کا فیصلہ ہے۔

اب بھی پارٹی میں جو گروپنگ کرے گا اسے نہیں چھوڑوں گا سخت الیکشن لوں گا۔

صحافی نے سوال پوچھا کہ خان صاحب! کیا آپ چاہتے ہیں کہ اسٹیبلشمنٹ مذاکرات کے لیے نمائندہ مقرر کرے، تب آپ مذاکرات کریں گے۔

عمران خان صحافی کے سوال کا جواب دیے بغیر چلے گئے۔