اڈیالہ سے کوٹ لکھپت جیل
سابق وزیراعظم نواز شریف کو راولپنڈی کی اڈیالہ جیل سے کوٹ لکھپت جیل لاہور منتقل کیا جا رہا ہے ۔
گزشتہ روز احتساب عدالت سے سات سال قید کی سزا سنائے جانے کے بعد نواز شریف نے درخواست کی تھی کہ ان کو لاہور جیل منتقل کیا جائے جسے منظور کر لیا گیا تھا ۔
نواز شریف کو اڈیالہ جیل سے نور خان ائربیس منتقل کیا گیا جہاں سے خصوصی طیارے کے ذریعے لاہور لے جایا گیا ۔
یاد رہے کہ آج نواز شریف اپنی 69 ویں سالگرہ منا رہے ہیں ۔
