ارشد شریف کے قتل کو کینیا کے اخبار نے کیسے رپورٹ کیا؟
Reading Time: 2 minutesکینیا کے اخبار سٹار کے مطابق ایک سینیئر پاکستانی صحافی کو اتوار کی رات نیروبی-مگادی ہائی وے پر پولیس نے گولی مار کر ہلاک کر دیا ہے جس کو غلط شناخت کا نتیجہ قرار دیا گیا۔
ارشد شریف کو پولیس نے اُس وقت سر میں گولی مار کر ہلاک کر دیا جب اس کے ڈرائیور نے مبینہ طور پر ناکے پر روکے جانے کی خلاف ورزی کی جو گاڑیوں کی چیکنگ کے لیے قائم کیا گیا تھا۔
پولیس نے بتایا کہ وہ ماگاڈی قصبے سے نیروبی کی طرف جا رہے تھے جب انہیں پولیس افسران کے ایک گروپ کے زیر انتظام ناکے پر روکا گیا۔
پولیس ہیڈکوارٹر نے کہا ہے کہ انڈیپنڈنٹ پولیسنگ کی نگرانی کرنے والی اتھارٹی اس کیس کو دیکھے گی۔
ایک سینیئر پولیس افسر نے فائرنگ کی تصدیق کرتے ہوئے مزید کہا کہ تفصیلی بیان بعد میں جاری کیا جائے گا۔
افسر نے بتایا کہ
"ہمارے پاس فائرنگ کا ایک واقعہ ہوا جو ایک صحافی کی غلطی سے شناخت کا معاملہ نکلا۔ ہم بعد میں مزید معلومات جاری کریں گے،”
پولیس کے مطابق، روڈ بلاک پر، نیروبی کے علاقے پنگانی میں کار جیکنگ کے ایک واقعے کے بعد، جہاں ایک بچے کو یرغمال بنایا گیا تھا، پولیس کو ایک کار کو روکنے کے لیے کال کی گئی جو وہ چلا رہے تھے۔
اور چند منٹ بعد شریف کی گاڑی روڈ بلاک پر آئی اور انہیں روکا گیا اور اپنی شناخت کے لیے کہا گیا۔
وہ مبینہ طور پر کار روکنے میں ناکام رہے اور روڈ بلاک سے گزر گئے۔
اس کے بعد ایک مختصر تعاقب کے دوران گولی چلی جس سے ارشد شریف ہلاک ہو گیا۔ ان کی گاڑی الٹ گئی اور ان کا ڈرائیور زخمی ہو گیا اور اسے ہسپتال لے جایا گیا۔
بعد میں اس نے پولیس کو بتایا کہ وہ اور اس کا مقتول ساتھی ڈویلپر تھے اور ماگاڈی میں ایک سائٹ کی طرف جا رہے تھے۔
