سفیر کے قتل کی تحقیقات روسی کرینگے

 روس کی حکومت نے کہا ہے کہ ترکی میں سفیر اندرے کارلوو کے قتل کی تحقیقات میں روسی تفتیش کار حصہ لے رہے ہیں ۔ گزشتہ روز ترکی میں روس کے سفیر اندرے کارلوو کو فنون لطیفہ کی ایک نمائش کے دوران گولیاں مار کر ہلاک کر دیا گیا تھا، روسی سفیر کے قاتل نوجوان کو بعد ازاں پولیس نے گرفتار کر لیا تھا۔ روس کے سفیر کی ہلاکت پر ترک صدر طیب رجب اردوغان نے ردِعمل ظاہر کرتے ہوئے کہا کہ اندرے کارلوو کی ہلاکت ترک قوم پر حملہ ہے۔ روسی صدر ولادمیر پوتن کا کہنا تھا کہ روسی سفیر پر حملے کا مقصد دونوں ممالک میں کشیدگی بڑھانے کی اور شام میں امن کی بحالی کی کوشش کو نقصان پہنچانا ہے۔ ترکی کے دارالحکومت انقرہ میں روس کے سفیر پر حملہ کے وقت شام میں روسی فوج کی کارروائیوں کے خلاف ترکی میں مظاہرے کیے جا رہے تھے۔ مقتول 62  سالہ اندرے کارلوو ایک منجھے ہوئے سفارتکار تھے جنھوں نے 1980 کی دہائی کا بیشتر حصہ شمالی کوریا میں بطور روسی سفیر گزارا۔