گوادر میں 10 مزدور جاں بحق

Reading Time: < 1 minute

بلوچستان کے شہر گوادر میں نامعلوم افراد نے تعمیراتی کام کرنے والے مزدوروں پر فائرنگ کی جس کے نتیجے میں کم از کم 10 مزدور جاں بحق اور کئی زخمی ہوئے ہیں۔ کمشنر مکران ڈویژن بشیر بنگلزئی نے واقعات گوادر کے علاقے پشکان اور گنت میں پیش آنے کی تصدیق کی ہے۔ وزیرداخلہ بلوچستان سرفراز بگٹی نے کہا کہ ہلاک ہونے والے مزدوروں کی شناخت کا سلسہ جاری ہے۔ حکام نے بتایا کہ ہلاک ہونے والے 10 مزدوروں کا تعلق سندھ کے علاقے نوشہرو فیروز سے ہے۔ حکام نے مزید کہا کہ مزدور ایک سڑک کی تعمیر میں مصروف تھے جب مسلح افراد نے انھیں فائرنگ کا نشانہ بنایا۔