خودکش حملے میں چھ جاں بحق

Reading Time: < 1 minute

امام بارگاہ کے قریب خودکش حملے میں 6 افراد جاں بحق جبکہ متعدد زخمی ہوگئے ہیں، افغانستان میں حکام کا کہنا ہے کہ  دارالحکومت کابل کے علاقے قلعہ فتح اللہ میں جمعہ کے روز امام بارگاہ کے قریب خودکش حملہ ہوا جس میں 6 افراد جاں بحق اور متعدد زخمی ہوگئے،افغان میڈیا کے مطابق خودکش حملہ عاشورہ کے حوالے سے ہونے والی مجلس کے دوران ہوا جب کہ فورسز کی کارروائی میں ایک حملہ آور مار ا گیا اور ایک کو دھماکا خیز مواد نصب کرتے ہوئے گرفتار کرلیا گیا،افغان وزارت داخلہ کے ترجمان نے بھی خود کش حملے کی تصدیق کی اور بتایا کہ خودکش حملے میں 6 افراد کے جاں بحق اور 20 کے زخمی ہے،افغان میڈیا کے مطابق تاحال کسی گروپ کی جانب سے حملے کی ذمہ داری قبول نہیں کی گئی ہے۔ حکام کے مطابق حملہ آور بھیڑ بکریوں کے ریوڑ کے ساتھ گڈریے کے بہروپ میں تھا_

واضح رہے کہ بدھ کے روز امریکی سیکریٹری دفاع جیمز میٹس کی افغانستان آمد پر کابل میں ہی حامد کرزئی انٹرنیشنل ایئرپورٹ پر راکٹ داغے گئے تھے جس کی ذمہ داری طالبان نے قبول کی تھی۔