شرارتی مولوی کے خلاف مقدمہ

اسلام آباد کی پولیس نے لاہور سے آنے والے ریلی کے سربراہ کے خلاف مقدمہ درج کر لیا ہے۔ فرقہ وارانہ تنظیم تحریک لبیک یارسول اللہ کی ریلی کی وجہ سے گزشتہ رات اسلام آباد ہائی وے بند رہی اور اس دوران ایک کم سن بچہ ہسپتال نہ پہنچ سکنے کی وجہ سے راستے میں ہی دم توڑ گیا تھا۔ پولیس نے بچے کی موت کے بعد مولانا خادم حسین رضوی اور جلوس کے شرکاءکے خلاف تعزیرات پاکستان کی دفعہ 322 کے تحت غیر ارادی قتل کا مقدمہ درج کیا ہے۔ معصوم حسن بلال جناح گارڈن کا رہائشی تھا اور اسے پمز ہسپتال ریفر کیا گیاتھا۔ مقدمہ جاں بحق ہونے والے بچے کے والد کی درخواست پر درج کیا گیا۔