کوئٹہ دھماکے میں چار اہلکار ہلاک

پاکستان کے صوبہ بلوچستان کے دارالحکومت کوئٹہ میں پولیس اہلکاروں کو نشانہ بنایا گیا ہے ۔

پولیس سپرنٹنڈنٹ محمد بلوچ نے میڈیا کو بتایا کہ سیٹلائٹ ٹاؤن کے علاقے میں بم دھماکہ ہوا ہے جس میں چار اہلکار ہلاک ہوگئے ہیں جبکہ دو عام شہری زخمی بھی ہوئے ہیں ۔

پولیس اور رینجرز کے اہلکاروں نے موقع پر پہنچ کر ریسکیو کے کاموں اور زخمیوں کو ہسپتال پہنچانے میں مدد کی ہے ۔

پولیس کے ڈپٹی انسپکٹر جنرل عبدالرزاق چیمہ نے میڈیا کو بتایا کہ تراویح کی سیکورٹی پر مامور پولیس اہلکاروں کی گاڑیوں کو موٹر سائیکل میں نصب بم سے نشانہ بنایا گیا ہے ۔ انہوں نے کہا کہ دو جوان شدید زخمی بھی ہوئے ہیں جبکہ سات عام شہری بھی ہسپتال پہنچائے گئے ۔