اسلام آباد میں کورٹ رپورٹر کی گرفتاری

اسلام آباد ہائیکورٹ کے باہر سے پولیس نے نجی ٹی وی چینل 24 نیوز کے رپورٹر احتشام کیانی کو حراست میں لے کر تھانے منتقل کیا۔

عدالتی رپورٹنگ کرنے والے صحافیوں نے ہائیکورٹ کے چیف جسٹس اطہر من اللہ کے علم میں معاملہ لایا اور بتایا کہ پولیس حکام کہتے ہیں کہ رپورٹر کو ججز کی ہدایت پر حراست میں لیا گیا۔

عدالت کے طلب کرنے پر ایس پی نے مؤقف اختیار کیا کہ رپورٹر نے راستے میں گاڑی کھڑی کی اور ہٹانے سے انکار کیا جس کی وجہ سے ججز کی گاڑیوں کے لیے راستہ بند ہوا۔

ایس پی نے بتایا کہ پولیس اہلکاروں نے مذکورہ شخص کو گرفتار کیا کیونکہ اس نے شناخت ظاہر نہیں کی تھی اور گاڑی کو ہٹایا۔

ایس پی عدالت کو بتایا کہ حراست میں لیے گئے رپورٹر کو رہا کیا جا رہا ہے۔

دوسری جانب متاثرہ رپورٹر احتشام کیانی نے بتایا کہ ایس پی زبیر شیخ کے حکم پر ان پر تشدد کیا گیا۔