جسٹس قاضی فائز کا حکمنامہ درست تھا یا نہیں؟ سپریم کورٹ کا لارجر بینچ تشکیل

Reading Time: < 1 minute

پاکستان کی سپریم کورٹ کے قائم مقام چیف جسٹس عمر عطا بندیال نے جسٹس قاضی فائز عیسیٰ کے صحافیوں کی درخواست پر لیے گئے ازخود نوٹس کو مروجہ عدالتی طریقہ کار سے ہٹ کر قرار دیتے ہوئے معاملے کی وضاحت اور حکمنامے کے ازسرنو اجرا کے لیے پانچ رکنی لارجر بینچ تشکیل دے دیا ہے۔

‏پانچ رکنی بینچ کی سربراہی جسٹس عمر عطا بندیال کریں گے، جبکہ جسٹس اعجازالاحسن،جسٹس منیب اختر،جسٹس قاضی محمد امین اور جسٹس محمد علی مظہر بھی بینچ میں شامل ہیں۔

جسٹس قاضی فائز عیسی پانچ رکنی بینچ کا حصہ نہیں۔

پانچ رکنی لارجر بنچ 26 اگست کے بجائے پیر کو کیس کی سماعت کرے گا.

خیال رہے کہ جمعے کو سپریم کورٹ نے صحافیوں کو ہراساں کرنے کا نوٹس لیتے ہوئے ڈی جی ایف آئی اے، آئی جی اسلام آباد اور سیکریٹری داخلہ کو رپورٹس کے ہمراہ ذاتی حثیت میں طلب کیا تھا.