بابر اعظم کا اعزاز، تیز ترین ۸ہزار رنز بنانے والے دوسرے بلے باز

Reading Time: < 1 minute

پاکستانی کرکٹ ٹیم کے کپتان بابراعظم ٹی20 کرکٹ میں تیز ترین 8 ہزار رنز مکمل کرنے والے دنیا کے دوسرے بلےباز بن گئے۔

انگلینڈ کے خلاف 66 گیندوں پر 110 رنز کی اننگز کھیلنے والے کپتان بابراعظم نے یہ سنگ میل 218 اننگز میں حاصل کیا جبکہ بھارت کے سابق کپتان ویرات کوہلی نے اس ریکارڈ کو حاصل کرنے کیلئے 243 اننگز کا سہارا لیا تھا۔

ویسٹ انڈیز کے بلےباز کرس گیل نے 213 اننگز میں 8 ہزار رنز مکمل کیے تھے جو فہرست میں اب بھی ٹاپ پوزیشن پر قابض ہیں۔

گزشتہ روز کھیلے گئے میچ میں کپتان بابراعظم سب سے زیادہ ٹی20 انٹرنیشنلز میچز جیتنے والے پاکستانی کپتان بھی بن گئے ہیں، انہوں نے سرفراز احمد سے اعزاز چھین لیا تھا۔