آئی سی سی کا ٹی20ورلڈ کپ میں فاتح ٹیم کے لئے انعامی رقم کا اعلان

Reading Time: < 1 minute

انٹرنیشنل کرکٹ کونسل نے ٹی20 ورلڈکپ 2022 کی فاتح ٹیم کے لئے انعامی رقم کا اعلان کردیا ہے۔

جمعے کو آئی سی سی کے جاری کردہ اعلامیے کے مطابق ٹی20 ورلڈکپ جیتنے والی ٹیم کو 1.6 ملین امریکی ڈالر یعنی پاکستانی روپوں میں (36 کروڑ 22 لاکھ) روپے ملیں گے جبکہ رنز اَپ ٹیم کو نصف رقم یعنی 18 کروڑ ادا کی جائے گی۔

سیمی فائنل میں ہارنے والی ٹیم کو 4 لاکھ ڈالر یعنی پاکستانی روپوں میں 9 کروڑ روپے، سپر مرحلے سے باہر ہونے والی ٹیموں کو 70 ہزار ڈالر (ایک کروڑ 58 لاکھ روپے) جبکہ پہلے مرحلے میں باہر ہونے والی ٹیموں کو 40 ہزار ڈالر (90 لاکھ 57 ہزار روپے) کی رقم ملے گی۔