ممنوعہ فنڈنگ کیس میں عمران خان کی عبوری ضمانت
پاکستان کے دارالحکومت اسلام آباد کی مقامی عدالت نے ممنوعہ فنڈنگ کیس میں عمران خان کی عبوری ضمانت منظور کر لی۔
عدالت نے ایک لاکھ روپے کے ضمانتی مچلکوں کے عوض عمران خان کی درخواست ضمانت ۳۱اکتوبر تک منظور کرنے کا حکم صادر کیا۔
سپیشل جج سینٹرل راجہ آصف محمود نے کیس کی سماعت شروع کی توعمران خان کے وکیل نے کہا کہ اس کیس میں عدالتی دائرہ کار کا معاملہ زیر سماعت ہے۔عدالت نے کہا کہ عدالتی دائرہ اختیار کا معاملہ کلیئر ہونے تک عبوری ضمانت کر لیتے ہیں۔
عمران خان بھی فارن فنڈنگ پر درج مقدمے میں عبوری ضمانت کے لیے عدالت میں پیش ہوئے۔
