ٹی20ورلڈ کپ میں اپ سیٹ، سکاٹ لینڈ نے ویسٹ انڈیز کو پچھاڑ دیا

Reading Time: < 1 minute

ٹی 20 ورلڈ کپ کوالیفائنگ راؤنڈ میں ایک اور اَپ سیٹ ہوگیا،اس کاٹ لینڈ نے ویسٹ انڈیز کو 42 رنز سے شکست دے دی۔

ہدف کے تعاقب میں ویسٹ انڈیز کی ابتدائی وکٹ 20 رنز پر گری جس کے بعد دیگر کھلاڑی وقفے وقفے سے آؤٹ ہوتے گئے، پوری ٹیم 18.3 اوور میں 118 رنز بنا کر پویلین لوٹ گئی۔

آسٹریلیا کے شہر ہوبارٹ میں کھیلے گئے میچ میں ویسٹ انڈیز نے ٹاس جیت کر اسکاٹ لینڈ کو بیٹنگ کی دعوت دی۔ اسکاٹ لینڈ نے پہلے بیٹنگ کرتے ہوئے 5 وکٹوں کے نقصان پر 160 رنز بنائے۔

اسکاٹش اوپنر جارج منسی 66 رنز بنا کر ناقابل شکست رہے جبکہ ویسٹ انڈیز کی جانب سے جوزف اور ہولڈر نے دو دو کھلاڑیوں کو آؤٹ کیا۔ بارش کے باعث میچ کچھ دیر کے لیے رکا بھی رہا۔

یاد رہے کہ ٹی ٹوئنٹی ورلڈ کپ کے پہلے میچ نے نمیبیا نے سری لنکا کو ہرا کر اپ سیٹ کیا تھا۔