چھ مقدمات میں طلبی، اسلام آباد پولیس کے عمران خان کو نوٹس جاری

اسلام آباد پولیس نے تحریک انصاف کے چئیرمین عمران خان کو مختلف مقدمات میں ایک بار پھر طلبی کے نوٹس جاری کیے ہیں۔

جمعے کو سابق وزیر اعظم کو تھانہ کراچی کمپنی نے طلبی کے دو نوٹس جاری کیے۔

تھانہ کراچی کمپنی کے نوٹس میں چئیرمین پی ٹی آئی کو کل 2 بجے ایس ایس پی انویسٹیگیشن آفس میں پیش ہونے کا حکم دیا گیا ہے۔

تھانہ ترنول کی جانب سے بھی عمران خان کو مختلف مقدمات میں کل 3 بجے طلب کر لیا گیا۔

تھانہ کوہسار کی جانب سے بھی پی ٹی آئی کے چئیرمین کو طلبی کا نوٹس ارسال کرتے ہوئے کہا گیا ہے کہ اس سے قبل بھی طلب کیا گیا لیکن وہ شامل تفتیش نہ ہوئے۔

پولیس نے نوٹس میں کہا ہے کہ اس بار شامل تفتیش نہ ہونے کی صورت میں قانونی کارروائی عمل میں لائی جائے گی۔