طوفانی بارش سے پہاڑی تودہ سرک گیا، مکان کی چھت گرنے سے 12 ہلاک

Reading Time: < 1 minute

خیبر پختونخوا کے شمالی ضلع دیر بالا میں ایک ہی خاندان کے 12 افراد اُس وقت موت کے منہ میں چلے گئے جب اُن کے مکان کی چھت گر گئی۔

ریسکیو 1122 دیر بالا کے مطابق پاتراک میں میدان کے مقام پر مسلسل شدید بارش کے وجہ سے لینڈ سلائڈنگ ہوئی۔

ریسکیو1122 دیر بالا کے بیان میں بتایا گیا ہے کہ گھر مکمل طور پر منہدم ہوا اور گھر میں 12 افراد کے دب جانے کی اطلاع کے بعد ملبے کو ہٹایا گیا۔

ریسکیو1122 کے اہلکاروں نے مقامی لوگوں کی مدد سے سرچ آپریشن شروع کیا۔

بیان کے مطابق ریسکیو1122 نے ملبے کے نیچے سے 12 جسد خاکی نکالے۔

ریسکیو1122 کے حکام نے بتایا کہ مرنے والوں میں خواتین اور ۹ بچے شامل ہیں۔

ریسکیو1122 نے تمام جسد خاکیوں کو ایمبولینس میں ہسپتال منتقل کیا۔

دیربالا کے ڈسٹرکٹ ایمرجنسی آفیسر سید عنایت علی شاہ کی نگرانی میں سرچ اینڈ ریسکیو آپریشن مکمل کیا گیا۔