عمران خان نے میچ دیکھا اور سخت غصے میں تھے: علیمہ خان

Reading Time: < 1 minute

تحریک انصاف کے بانی عمران خان سے ملاقات کے بعد اُن کی ہمشیرہ علیمہ خان نے اڈیالہ جیل کے باہر میڈیا سے گفتگو میں کہا کہ سابق وزیراعظم کو آج سب سے زیادہ غصہ کرکٹ پر تھا۔

عمران خان نے پی ٹی وی پر پاکستان کا میچ دیکھا ہے، میچ ہارنے کی وجہ سے سابق وزیراعظم نے سارا غصہ آج کرکٹ پر اتارا۔ میچ ہارنے پر ان کو بڑا دکھ تھا۔

عمران خان نے کہا کہ جب سفارشی لوگوں کو بٹھایا جائے گا تو کرکٹ تباہ ہوگی، سابق وزیراعظم نے کہا کہ محسن نقوی کو پہلے چیف منسٹر لگایا اس نے ظلم کیا۔

بانی نے کہا محسن نقوی کو وزیر داخلہ لگایا اس نے ظلم کیا، محسن نقوی کو جس عہدے پر لگایا اس نے بیڑا غرق کیا۔

بانی نے کہا پاکستان میں اتنے عہدے کسی کے پاس نہیں جتنے محسن نقوی کے پاس ہیں

بانی نے کہا اتنی بڑی کارکردگی پر عزت دار آدمی مستعفی ہوجاتا ہے لیکن محسن نقوی مستعفی نہیں ہوگا

بانی نے کہا محسن نقوی سے پوچھا جائے اس کو کرکٹ کا کیا تجربہ ہے

عمران خان نے کہا ہے میرے متعلق صرف پارٹی کے عہدیدار بات کریں

ڈسٹریکشن کے لئے خبر نکالی گئی لوگوں نے کہ بانی بے ہوش کر گر پڑے۔

بانی اس بات پر ہنسے ہیں ان کی صحت بالکل ٹھیک ہے۔

شکر ہے بانی کی ہفتہ والے دن اپنے بچوں سے بات ہوئی تھی۔ ہم نے بچوں سے بات کی تو ہمیں تسلی ہوئی بانی ٹھیک ہیں۔

قاسم خان سوری ملک سے باہر ہے ان کو کیا پتہ، ذرائع سے خبریں چلانا اور بالمشافہ ملاقات میں بہت فرق ہوتا ہے۔