کروڑوں صارفین کے اربوں پاس ورڈز چوری کر کے آن لائن شائع

سائبرسیکیوریٹی آؤٹ لیٹ سائبرنیوز کے محققین کا کہنا ہے کہ اربوں صارفین کے یوزر ناموں اور پاس ورڈز کو لیک کر کے ڈیٹا سیٹس میں آن لائن شائع کیا گیا ہے جس سے مجرموں کو صارفین کے روزانہ استعمال کیے جانے والے اکاؤنٹس تک رسائی غیرمعمولی حد تک آسان ہو گئی ہے۔

رواں ہفتے شائع ہونے والی ایک رپورٹ کے مطابق سائبرنیوز کے محققین نے حال ہی میں آن لائن 30 ڈیٹا سیٹس دریافت کیے ہیں جن میں سے ہر ایک میں لاگ ان معلومات کی ایک بڑی تعداد ہوتی ہے – اور کل 16 ارب پاس ورڈز ہیں۔ اس میں گوگل، فیس بک اور ایپل سمیت متعدد مشہور پلیٹ فارمز کے صارف پاس ورڈز شامل ہیں۔