جج محمد بشیر کو توسیع مل گئی
Reading Time: < 1 minuteوزارت قانون نے نواز شریف اور خاندان کے خلاف نیب ریفرنسز کی سماعت کرنے والے احتساب عدالت کے جج محمد بشیر کی مدت ملازمت میں 3 سال کی توسیع کرنے کا نوٹی فیکیشن جاری کر دیا ہے ۔
صدر مملکت ممنون حسین نے جج محمد بشیر کی مدت ملازمت میں 3 سال کی توسیع کی منظوری دی جس کے بعد وزارت قانون کی جانب سے باقاعدہ نوٹی فکیشن بھی جاری کیا گیا۔
فاضل جج اب احتساب عدالت میں 12 مارچ 2021 تک فرائض انجام دیے سکیں گے، اس سے قبل وہ گزشتہ 6 سال سے اسی عدالت میں خدمات دے رہے ہیں۔
یاد رہے کہ احتساب عدالت کے جج محمد بشیر شریف خاندان کے خلاف نیب ریفرنسز کی سماعت کر رہے ہیں اور ان کی مدت ملازمت 12 مارچ کو ختم ہو رہی تھی جس پر حکومت سے کہا گیا تھا کہ توسیع دی جائے ۔ سیکرٹری قانون نے گزشتہ روز سپریم کورٹ کو یقین دہانی کرائی تھی ۔
Array