حکومت کی بھینس اور کٹا

تحریک انصاف کی حکومت عام لوگوں کو ابھی تک کوئی بڑا ریلیف تو نہیں دے پائی مگر تفریح کیلئے روز ایک نیا سامان تیار کرتی ہے ۔

حکومت کی جانب سے گزشتہ ایک ہفتے سے وزیراعظم ہاؤس کی جن آٹھ بھینسوں کا بہت زیادہ تذکرہ تھا ان میں سے ایک (بھینسا)نکل آیا ہے ۔ پاکستان ٹوئنٹی فور کے مطابق نیلام عام کے سرکاری اشتہار میں اب آٹھ بھینسوں کی بجائے تین بھینسوں کا ذکر ہے جبکہ چار کٹی اور ایک کٹا لکھا ہوا ہے ۔

ان کا نیلام عام ۲۷ ستمبر کو وزیراعظم ہاؤس کے باڑے میں ہوگا ۔ سوشل میڈیا پر اس اشتہار کا خوب تذکرہ ہے اور سینٹر فیصل جاوید سے بھی پوچھا جا رہا ہے جو ان بھینسوں کی زبان بھی سمجھتے ہیں ۔