عامر لیاقت کی دلچسپ معافی

عامر لیاقت توہین عدالت کیس میں سپریم کورٹ نے 13 دسمبر کی سماعت کا تحریری فیصلہ جاری کیا ہے ۔ فیصلہ چیف جسٹس ثاقب نثار نےتحریر کیا ہے ۔

دو صفحات کے عدالتی فیصلے میں عامر لیاقت نے عدالت سے غیر مشروط معافی مانگی ہے اور اس معافی نامے کو حکم کا حصہ بنایا گیا ہے ۔

عامر لیاقت نے خود کو عدالت کے رحم و کرم پر چھوڑتے ہوئے معافی کا دلچسپ انداز اختیار کیا ہے ۔ عامر لیاقت نے آئندہ اس طرح کا عمل نہ کرنے کی بھی یقین دہانی کرائی ہے ۔ عدالت نے لکھا ہے کہ عامر لیاقت کی یقین دہانی پر انھیں معاف کیا جاتا ہے اور توہین عدالت از خود نوٹس نمٹایا جاتا ہے ۔