مرغی چوری پر ضمانت بھی سپریم کورٹ میں
اسلام آباد پولیس کے تفتیشی کی پھرتی اور ملی بھگت نے غریب شہری کی زندگی کا ایک سال جیل میں گزار دیا اور ہائیکورٹ نے بھی ضمانت مسترد کر دی جس کے بعد اب سپریم کورٹ ضمانت کی درخواست سنے گی ۔
تھانہ کورال نے ملزم محمد زاہد کے خلاف راجہ سجاد کی درخواست پر مقدمہ سترہ اپریل ۲۰۱۸ کو درج کیا تھا جس میں مدعی نے الزام لگایا کہ اس کی دکان سے چھ اور سات فروری ۲۰۱۸ کی درمیانی شب دیگر سامان کے ساتھ ۱۵ عدد مرغیاں چوری کی گئیں ۔
پولیس نے دو ماہ بعد چوری کا مقدمہ درج کر کے ملزم محمد زاہد پر ڈال دیا جو پہلے ہی چوری کے مقدمے میں شہریوں کے ہاتھوں تشدد کا نشانہ بن کر جیل میں تھا ۔
