سوات میں مقامی فنکارہ قتل
عظمت گل/ نمائندہ خصوصی پشاور
پاکستان کے صوبہ خیبر پختونخوا کے ضلع سوات میں مقامی فنکارہ کو مبینہ طور پر شوہر نے فائرنگ کر کے قتل کر دیا ہے ۔
سوات کے تھانہ بنڑ کے پولیس افسر طارق خان کے مطابق پشتو کی مقامی گلوکارہ و رقاصہ مینا کو مبینہ طور پر اس کے شوہر نے فائرنگ کرکے قتل کیا ۔
ایس ایچ او تھانہ بنڑ طارق خان کا کہنا ہے کہ واقعہ افطاری کے قریب پیش آیا ۔
بتایا گیا ہے کہ مقتولہ کی لاش کو پوسٹ مارٹم کے لیے سوات کے نواز شریف ہسپتال منتقل کیا گیا ہے ۔
ملزم واردات کے بعد فرار ہونے میں کامیاب ہوگیا جبکہ فوری طور پر قتل کی وجہ معلوم نہ ہوسکی ۔
پولیس نے ملزم کے خلاف مقدمہ درج کرکے گرفتاری کے لیے تلاش شروع کر دی ہے ۔
