امریکہ میں امیگریشن پر عبوری پابندی کا اعلان
Reading Time: < 1 minuteامریکی صدر ڈونلڈ ٹرمپ نے کہا ہے کہ ملک میں امیگریشن کی عبوری پابندی عائد کی جا رہی ہے تاکہ کورونا وائرس کو پھیلنے سے روکا جا سکے اور امریکی شہریوں کی ملازمتوں کو تحفظ فراہم کیا جا سکے۔
واضح رہے کہ امریکہ میں دنیا میں سب سے زیادہ کورونا وائرس کے مریض ہیں اور ہلاکتیں بھی دیگر ملکوں کے مقابلے میں دو گنا ہیں۔
کورونا وائرس کے بحران اور حالیہ لاک ڈاؤن کی وجہ سے پہلے ہی دو کروڑ 20 لاکھ امریکی شہری اپنے روزگار سے ہاتھ دھو چکے ہیں۔
ٹوئٹر پر امریکی صدر نے لکھا کہ وہ نظر نہ آنے والے دشمن کے مقابلے میں اپنے عظیم شہریوں کو تحفظ فراہم کرنے کے لیے نئے حکم نامے پر دستخط کریں گے جس کے تحت امریکہ کی امیگریشن پر عبوری پابندی عائد کی جا رہی ہے۔
امریکی ریاستوں میں اب تک 41 ہزار سے زیادہ افراد کورونا سے ہلاک ہو چکے ہیں جبکہ سات لاکھ کے لگ بھگ ہسپتالوں میں زیرعلاج ہیں۔
