جسٹس قاضی فائز عیسیٰ کا فون ہیک کر لیا گیا

پاکستان کی سپریم کورٹ کے جسٹس قاضی فائز عیسیٰ کا ذاتی سیل فون ہیک کر لیا گیا ہے۔

رپورٹ: جہانزیب عباسی

سپریم کورٹ سے جاری اعلامیے کے مطابق جسٹس قاضی فائز عیسیٰ کے موبائل فون سے گمراہ کن پیغام رسانی ہو سکتی ہے۔

اعلامیے میں کہا گیا ہے کہ جسٹس قاضی فائز عیسیٰ کے موبائل فون نمبر سے کسی بھی قسم کی پیغام رسانی کو جعلی اور غلط تصور کیا جائے۔

سپریم کورٹ کی طرف سے جاری کردہ اعلامیے کے مطابق موبائل نمبر سے بھیجا گیا پیغام جسٹس قاضی فائز عیسیٰ کی طرف منسوب نہ کیا جائے، ہیکرز جسٹس قاضی فائز عیسیٰ کا موبائل نمبر مذموم مقاصد کیلئے استعمال کر سکتے ہیں۔