ہائیکورٹ کا نیشنل بینک کے صدر اور چیئرمین کو عہدوں سے ہٹانے کا حکم

Reading Time: < 1 minute

اسلام آباد ہائیکورٹ نے نیشنل بینک کے صدر عارف عثمانی اور چیئرمین زبیر سومرو کو فوری عہدے سے ہٹٓانے کا حکم سنا یا ہے۔

منگل کو اسلام آباد ہائیکورٹ کے جسٹس محسن اختر کیانی نے صدر نیشنل بینک عارف عثمانی کی تعیناتی کے بارہ جنوری 2019 کے نوٹیفکیشن کیخلاف درخواست پر محفوظ فیصلہ سنایا۔
عدالت نے صدر نیشنل بینک عارف عثمانی کو فوری ہٹانے کا حکم سنایا۔ چیئرمین نیشنل بینک زبیر سومرو کو بھی فوری عہدے سے ہٹانے کا حکم دیا گیا ہے۔

اسلام آباد ہائیکورٹ نے دو جون کو صدر نیشنل بینک عارف عثمانی کی تعیناتی کے خلاف فیصلہ محفوظ کیا تھا۔

درخواست گزار کی جانب سے عارف عثمانی کے صدر نیشنل بینک تعیناتی کے بارہ جنوری 2019 کے نوٹیفکیشن کو چیلنج کیا گیا تھا۔

درخواست میں موقف اپنایا گیا تھا کہ طارق عثمانی کی تعیناتی ٹرانسپرنسی کے تقاضوں کے مطابق نہیں ہوئی۔