شمالی وزیرستان میں نامعلوم افراد سرگرم، گاڑیاں جلا دیں

Reading Time: < 1 minute

شمالی وزیرستان کے شہر میران شاہ میں تبی ٹول خیل کے قریب نامعلوم افراد نے کنسٹرکشن کمپنی کے کیمپ پر دھاوا بول کر مشینری جلا دی۔

جلائی گئی مشینری میں وزیر آباد بائی پاس سڑک بنانے والی کمپنی کی سات گاڑیاں شامل ہیں

مقامی ذرائع کے مطابق شمالی وزیرستان میں نامعلوم افراد نے کیمپ عملے کو یرغمال بنانے کے بعد گاڑیوں کو آگ لگائی۔

ذرائع کا کہنا ہے کہ تخریبی کارروائی بھتہ نہ دینے پر کی گئی جس سے ٹھیکیداروں کو کروڑوں روپوں کا نقصان ہوا ہے۔

پولیس یا ریسکیو اداروں میں سے کوئی مدد کو نہیں آیا۔