ٹی وی کامیڈین جو صدر بننے کے بعد اب ہیرو بن رہا ہے
یوکرین پر حملے کے تیسرے روز روسی افواج کی پیش قدمی جاری ہے اور دارالحکومت کیئوو میں ٹینک داخل ہوگئے ہیں جبکہ صدر ولودومر زیلنسکی نے پناہ دینے کی امریکی پیشکش کو مسترد کرتے ہوئے کہا ہے کہ وہ اپنے لوگوں کے ساتھ مرنا پسند کریں گے.
سڑکوں پر اور گلیوں میں دونوں ملکوں کی افواج کے درمیان لڑائی جاری ہے۔
یوکرین کی وزارت دفاع کے حکام نے شہریوں سے اپیل کی ہے کہ وہ محفوظ مقامات پر پناہ لیں۔
ادھر یوکرین کے صدر زیلنسکی نے ملک چھوڑنے سے انکار کر دیا ہے۔
یوکرینی صدر منتخب ہونے سے قبل ٹی وی کامیڈین تھے اور انہوں نے پورے ملک میں اپنے فن کے باعث نام کمایا۔
سیاست میں آنے اور ملک کا صدر منتخب ہونے کے بعد اُن کو سیاسی مخالفین کے خلاف انتقامی کارروائیوں کی وجہ سے شدید تنقید کا سامنا رہا۔
زیلنسکی نے خود پر تنقید کرنے والے ٹی وی چینلز کے خلاف بھی کارروائی کی اور بعض کو بند کر ڈالا تاہم روس کے حملے کے بعد وہ عوام کے درمیان موجود ہیں۔
فوج اور قوم کا مورال بلند کرنے والی تقاریر اور بیانات کے بعد وہ یوکرین کے اکلوتے ہیرو کے طور پر ابھرے ہیں۔
⚡️Zelensky posts another video filmed in central Kyiv.
"There's a lot of fake information online that I call on our army to lay down arms, and that there's evacuation," he said.
"I'm here. We won't lay down our arms. We will defend our state." pic.twitter.com/VKVY4XRUip
— The Kyiv Independent (@KyivIndependent) February 26, 2022
یوکرینی ذرائع ابلاغ اور سوشل میڈیا صارفین کے مطابق وہ اُن کے جارج واشنگٹن بن رہے ہیں۔
