اسلام آباد پولیس کورین سفارت خانے میں گھس گئی، ویانا کنونشن کی خلاف ورزی کا الزام

Reading Time: < 1 minute

پاکستان کے درالحکومت اسلام آباد کی پولیس پر ویانا کنونشن کی خلاف ورزی کا الزام عائد کرتے ہوئے کوریا کے سفارت خانے نے وزرات خارجہ اور آئی جی کو خط لکھا ہے۔

کورین سفیر کی جانب سے وفاقی پولیس کی جانب سے سفارت خانے میں زبردستی گھسنے پر شدید احتجاج کرتے ہوئے بتایا گیا ہے کہ تھانہ شالیمار کی پولیس 7مارچ کو سفارت خانے کے عقبی گیٹ سے اندر گھسی۔

خط کے مطابق پولیس نے سفارت خانے کے اہلکاروں کو ہراساں کیا اور پولیس کی جانب سے ویانا کنونشن شدید خلاف ورزی کی گئی۔

خط میں لکھا گیا ہے کہ سفارت خانے کے اندر دروازوں کو بھی توڑ دیا گیا۔

سفارت خانے کے خط میں مطالبہ کیا گیا ہے کہ خلاف ورزی کرنے والوں پولیس اہلکاروں کے خلاف کارروائی کی جائے۔