پاکستان کی فوج کے سربراہ جنرل قمر جاوید باجوہ کی وزیراعظم شہباز شریف سے پہلی ملاقات

پاکستان کی فوج کے سربراہ جنرل قمر جاوید باجوہ نے وزیراعظم شہباز شریف سے ان کے دفتر میں ملاقات کی ہے۔

وزیراعظم ہاؤس کی جانب سے جاری کیے بیان کے مطابق ’منگل کو ہونے والی ملاقات میں قومی سلامتی سے متعلق پیشہ ورانہ امور پر بات چیت کی گئی۔‘

خیال رہے کہ آرمی چیف کی شہباز شریف سے ان کے وزیراعظم بننے کے بعد پہلی باضابطہ ملاقات ہے۔

جنرل قمر جاوید باجوہ نے وزیراعظم کی حلف برادری کی تقریب میں بھی شرکت نہیں کی تھی جس کے حوالے سے ڈی جی آئی ایس پی آر نے کہا تھا کہ ’آرمی چیف نے طبعیت کی خرابی کی وجہ سے تقریب میں شرکت نہیں کی تھی۔‘