سٹیٹ بینک سے عمران خان کے بینک اکاؤنٹس کی تفصیلات طلب
الیکشن کمیشن آف پاکستان نے سٹیٹ بینک سے سابق وزیراعظم عمران خان کے بینک اکاؤنٹس کی تفصیلات طلب کر لی ہیں۔
اطلاعات کے مطابق عمران خان کے توشہ خانہ سے لیے گئے تحائف مالی گوشواروں میں ظاہر نہ کرنے کے معاملے پر الیکشن کمیشن نے توشہ خانہ ریفرنس میں سٹیٹ بینک سے عمران خان کے بینک اکاؤنٹس کی تفصیلات طلب کی ہیں۔
سٹیٹ بینک کو عمران خان کے بینک کھاتوں کی تفصیلات فراہم کرنے کے لیے خط لکھ دیا گیا ہے۔
بینک اکاؤنٹس کی تفصیلات ملنے کے بعد الیکشن کمیشن اکاؤنٹس کا جائزہ لے گا اور پھر محفوظ فیصلہ سنایا جائے گا۔
