مزید جسمانی ریمانڈ کی درخواست مسترد، فواد چوہدری اڈیالہ جیل روانہ

Reading Time: < 1 minute

اسلام آباد کی مقامی عدالت نے الیکشن کمیشن کے حکام کو دھمکیاں دینے کے مقدمے میں گرفتار تحریک انصاف کے رہنما فواد چوہدری کو جوڈیشل ریمانڈ پر اڈیالہ جیل بھیجنے کا حکم دیا ہے۔

جمعے کو فواد چوہدری کو مزید دو روزہ جسمانی ریمانڈ پر پولیس کے حوالے کرنے کی استدعا مسترد کرتے ہوئے 14 روزہ جوڈیشل ریمانڈ منظور کیا۔

فواد چوہدری کو بدھ کی صبح لاہور سے گرفتار کیا گیا تھا۔ وہ دو دن تک جسمانی ریمانڈ پر اسلام آباد پولیس کی تحویل میں تھے۔