عید کے خطبے پر مولوی کے خلاف احتجاج، نوجوانوں کا واک آؤٹ
پاکستان کے صوبہ بلوچستان کے ضلع ژوب میں عید الفطر کی نماز کے دوران مولوی کے خطبے پر نوجوانوں نے احتجاج کرتے ہوئے واک آؤٹ کیا ہے۔
صحافی ہادی خان کے مطابق وہ عید کی نماز پڑھنے عیدگاہ (اڈہ میدان ژوب) گیا تھا۔
اُن کا کہنا تھا کہ مولوی صاحب خطاب فرما رھے تھے کہ لڑکیوں کی تعلیم یعنی تعلیم نسواں حرام ہے اور ٹائی پہننا بھی کسی صورت جائز نہیں۔
اس خطاب پر مجمعے میں سے ایک نوجوان اٹھا اور بلند آواز مولوی صاحب سے مخاطب ہوا کہ:
آپ لوگوں کو گمراہ کر رہے ہیں۔ آپ اسلام کا غلط امیج پیش کر ہے ہیں۔
اس کے بعد وہ عید کی نماز پڑھے بغیر ہی جگہ چھوڑ کر چلا گیا۔
آج صبح عید کی نماز پڑھنے گیا تھا جونہی عیدگاہ ( اڈہ میدان ژوب ) پہنچا تو مولوی صاحب خطاب فرما رھے تھے کہ لڑکیوں کی تعلیم یعنی تعلیم نسواں حرام ھے اور ٹائی پہننا کسی صورت جائز نہیں ھے ۔ اسی اثناء مجمع سے ایک نوجوان اٹھا
1/12 @drzarak @hamnatweets @GKYTweets @Wabbasi007 pic.twitter.com/ks9MymwQiO— Hadi Khan (@hadikhan180) April 22, 2023
صحافی ہادی خان نے بتایا کہ مذکورہ نوجوان کی پیروی کرتے ہوئے درجنوں لوگ اٹھ کھڑے ہوئے اور نماز چھوڑ کر چلے گئے۔
اُن کے مطابق مولوی صاحب کو اگرچہ لوگوں کی مزاحمت پسند نہیں آئی مگر وہ بے بس رہے۔
انہوں نے واقعے کی ویڈیو بھی ٹوئٹر پر پوسٹ کی ہے۔
ہادی خان نے بتایا کہ عید کے خطبے کے دوران عورتوں کی تعلیم کے خلاف لوگوں کو اکسانے والے مولوی کی مزاحمت کرنے والا نوجوان عبدالحی آرین ہے۔
ان کے مطابق آرین ژوب کا رہائشی ھے اور پیشے سے ایک صحافی ہے اور اس وقت اسلام آباد میں پی ٹی وی سے منسلک ہے۔
