دنیا کے وہ سرد ترین شہر جہاں موسم مالک مکان کی طرح رہتا ہے

کہتے ہیں‌ کہ سردیوں کا موسم ہی کسی علاقے کے بارے میں حتمی سچ بتاتا ہے۔ کچھ شہروں میں سردی ایک موسمی مہمان ہے؛ جبکہ بعض علاقوں میں یہ مالک مکان کی طرح ہے، جو قطبی رات سے لے کر بہار کے اختتام تک کے قوانین طے کرتا ہے۔

ان میں سے بہت سے شہروں کی انتہائی سردیوں کو بلندی، طول بلد، سمندر سے فاصلے، یا ان تینوں کے امتزاج سے منسوب کیا جا سکتا ہے۔ ایسی بستیوں میں انسانوں نے سخت حالات میں ڈھلنا سیکھ لیا ہے جہاں درجہ حرارت متحرکت نہیں رہتا۔

کینیڈا کا علاقہ کیلگری، البرٹا جہاں کا درجہ حرارت اوسطاً -7.6°C ہوتا ہے۔ کینیڈین راکیز کے قریب واقع، کیلگری کی بلندی، خشک براعظمی ہوا، اور اکثر آرکٹک طوفانوں کی موجودگی سردیوں کو شدید تر رکھتی ہیں۔

شمال مغرب چین میں واقع، ینچوان کا اوسط درجہ حرارت جنوری میں تقریباً منفی8 کے لگ بھگ رہتا ہے۔ شہر کی بلندی اور سرد صحرا کی آب و ہوا کا مطلب ہے کہ سردیوں میں انتہائی سردی ہوتی ہے۔

گرین لینڈ کے نیوک شہر میں اوسط درجہ حرارت مارچ کے مہینے میں تقریباً منفی 8 تک نیچے آ جاتا ہے۔ یہ شہر آرکٹک سرکل کے انتہائی قریب واقع ہے، صرف 150 میل (240 کلومیٹر) جنوب کی طرف، اور ڈیوِس اسٹرِٹ کی طرف ہے، جو اپنی شدید لہروں کے لیے مشہور ہے۔

دنیا کا سب سے سرد شہر روس کے انتہائی شمال مشرقی حصے میں واقع یاکٹسک ہے، جہاں جنوری کے مہینے میں درجہ حرارت -37.5°F (-38.6°C) تک گر جاتا ہے۔ سمندر سے دور اور لینا دریا کے نچلے میدانوں میں واقع یاکٹسک مسلسل منجمد رہتا ہے۔