چینی ’ہیومینائیڈ روبوٹ‘ تیانگونگ نے جمیکا کے عظیم سپرنٹر یوسین بولٹ کا ریکارڈ توڑ دیا

بیجنگ میں ہونے والے ورلڈ ہیومنائیڈ روبوٹ گیمز میں ایک چینی ’ہیومینائیڈ روبوٹ‘ نے ابتدائی مرحلے میں 9.39 سیکنڈ میں 100 میٹر دوڑائی، جو جمیکا کے عظیم سپرنٹر یوسین بولٹ کے مردوں کے عالمی ریکارڈ سے زیادہ تیز ہے۔

خبر رساں ایجنسی روئٹرز کے مطابق ہفتے کے روز منتظمین نے بتایا کہ بیجنگ ہیومینائیڈ روبوٹ انوویشن سینٹر کے تیار کردہ تیانگونگ الٹرا نے گیمز کے دوسرے ایڈیشن کے آغاز پر اپنی دوڑ جیت لی۔

روبوٹ نے ریس میں ابتدائی طور پر سمارٹ فون بنانے والی کمپنی آنر کی لائٹننگ کو پیچھے چھوڑ دیا۔ برلن میں 2009 کی عالمی ایتھلیٹکس چیمپئن شپ میں 9.58 سیکنڈ کے ریکارڈ بولٹ سے بھی تیز دوڑ 9.47 سیکنڈ میں ختم ہوئی۔

دونوں روبوٹس میں دوڑ کے اختتام پر سیدھے ایک موٹی چٹائی سے ٹکرا گئے تھے جو انہیں ان کے ٹریکس پر روکنے کے لیے تیار کی گئی تھی، ٹریکس پر تیانگونگ ٹھوکریں کھا رہا تھا، اور اس نے تماشائیوں کو راستے سے ہٹنے پر مجبور کر دیا تھا، جبکہ لائٹننگ ریس کے اختتام پر ٹکرا کر زمین پر گرنے کے بعد سٹریچر پر لے جایا گیا۔

اس کے باوجود نتائج نے پچھلے سال کے افتتاحی کھیلوں سے ایک تیز بہتری کی نشاندہی کی، جب تیانگونگ الٹرا نے 100 میٹر دوڑ 21.50 سیکنڈ میں جیت لی تھی۔ تیانگونگ نے گزشتہ سال بیجنگ میں منعقد ہونے والی دنیا کی پہلی ہیومنائیڈ روبوٹ ہاف میراتھن بھی جیتی۔

اس سے قبل ہفتے کے روز چین کے سرکاری میڈیا نے اطلاع دی تھی کہ روبوٹ لائٹننگ 9.32 سیکنڈز میں 100 میٹر کی دوڑ کی تیاری کے ٹیسٹ میں 14.5 میٹر فی سیکنڈ کی بلند ترین رفتار تک پہنچ گیا۔